Tendencat Pranverë- Verë 2024, këto janë këpucët më “IN”!
E sigurt se mendimet për blerjet e sezonit të ri kanë filluar të qarkullojnë gjatë ditëve, e sidomos kur kalojmë pranë një qendre tregtare, dyqaneve të veshjeve, këpucëve, etj.
Çdo gjë ka rëndësinë e vet kur blihet, por në këtë periudhë është më shumë se kurrë momenti që të dëgjojmë këshillat e specialistëve të modës. Ata e vendosin theksin gjithmonë se baza për një veshje të mirë, janë këpucët dhe kur e thonë ata, nuk ka vend për dyshime.
Ato marrin rëndësinë kryesore kur mendojmë të dalim nga shtëpia, duke na shtuar mendimet se si duken në këmbë, sa komoditet na ofrojnë, a mund të ecim dot me to apo jo etj., ndaj sipas tyre fillimisht mendojmë për këpucët, e më pas të zgjedhim veshjen.
Epo mos mendoni se kjo ishte e gjitha, veç të tjerash është thelbësore të njihni mirë tendencat e këpucëve 2024, në mënyrë që të blini menjëherë modelet e duhura, e më pas rrotulloni gardërobën rreth tyre.
Tendencat më të kërkuara, tashmë kanë dalë nga pasarelat e Pranverë-Verë 2024, gati për t’u pëlqyer e provuar, kështu që po jua zbulojmë menjëherë.
Me atlete, larg takave, ndryshim drastik i tendencave të veshjeve në zyrat shqiptare
Në një epokë ku individualiteti dhe komoditeti po bëhen gjithnjë e më të rëndësishëm, tendencat e modës në veshjet e zyrave për vitin 2023-2024 po reflektojnë të njëjtën përqasje ndaj traditave të mëparshme.
Jo më taka të larta dhe kostume të puthitura, tashmë është e qartë që në zyrat e sotme po preferohen veshjet e përditshme dhe të rehatshme. Kjo tendencë shpesh ka të bëjë me kërkimin e një balance të mirë midis profesionalizmit dhe komoditetit.
Marigona Xhaferri, arkitekte dhe influencuese në botën e modës, shprehet se “Veshjet sa më të rehatshme është moda e fundit në zyrë.”
“Po vërejmë se shumë vende pune po kthehen drejt një stili të thjeshtë, duke lejuar një ndërthurje të veshjeve profesionale me ato të përditshme. Xhaketat dhe pantallonat e gjëra, së bashku me xhinset, janë bërë një pjesë e zakonshme e gardërobës së grave në zyrë. Këto veshje ofrojnë një pamje profesionale, ndërsa ruajnë një ndjenjë të lirë dhe të rehatshme gjatë ditës së punës.
Në kohët e fundit, ndryshimet drastike janë vërejtur edhe në zgjedhjen e këpucëve. Femrat tani i preferojnë këpucët e sheshta dhe atletet që mund të kombinohen me veshje profesionale. Atletet janë zgjedhja e preferuar për femrat në zyra pasi kombinohen lehtë edhe me kostumet, duke i bërë veshjet e tyre të duken profesionale edhe në mungesë të takës.
“Po shohim një ndryshim drastik në veshjet e këpucëve, pasi më parë visheshin taka shumë të larta në ekstrem, sot shohim një ndryshim tani më po zgjidhen këpucët e sheshta, po preferohen shumë edhe atletet në punë që mund të kombinohen me një kostum të gjerë kështu edhe duken bukur në zyrë por edhe je komode” – shprehet Xhaferri.
Por takat nuk mund të eliminohen plotësisht pasi një palë duhet të mbahen në zyrë, për ti pasur për takime të rëndësishme. Vajzat e institucioneve të mëdha gjithashtu nuk kanë hequr dorë nga takat por kanë zgjedhur ato që janë më komode.
Tendenca kryesore është përshtatja e veshjeve të zyrës edhe për të dalë pas orarit të punës. Në këtë mënyrë, punonjësit mund të jenë të gatshëm për ngjarjet sociale ose aktivitetet e tjera pas orarit të punës, duke e bërë kështu garderobën e tyre më fleksibile dhe funksionale.
Tani stilistët po synojnë të sjellin kombinime që nuk janë më vetëm për në zyrë por edhe për të dalë pas orarit të punës. Në mënyrë që të shtohen dy-tre aksesorë më shumë dhe transformohet në veshje elegante për të dalë në darkë.
Në ngjyra nuk po shohim ndryshim, tendencat për vitin 2023-2024 sjellin një përqasje në ngjyrat monokrome si bezha, grija, dhe e zeza, të cilat vazhdojnë të dominojnë gardërobat për vite.